Niwenadhahama

රඟන චරිත වෙහෙසී පිටපතක් ලියා මරණ පැමිණ නවතයි තව එකක් තියා නොඑන පරිදි නැවතත් මෙහි රඟන නියා දෙසන දහම්දිව් හිමි, හද පිරුණු දයා නිසි ලෙස හේතු ගැලපී හට ගැණුනු පසේ දිසි මේ කයත් සම වෙයි සැකසුමට ගසේ කිසි වෙනසක් නොමැති එක් වුන ධාතු රැසේ රිසි ලෙස අපට නතුකල හැකි කවර ලෙසේ සතෙක් කියා හැඟුනත්  ගොඩනැඟෙන සිත උදක් සොබාදම මිස මෙහි කිසිත් නැත නොයෙක් ලෙසින් ඇදගත් ශක්තියක් වෙත වැඩක් කෙරෙයි ඇති වන උවමනා මත එක්වුන කලට දෙසිතක් බැඳෙමින් තරයේ ඇතිවුන වෙනස නැංවුනු නව පරිසරයේ ඇදගෙන එයට ගැලපෙන ශක්තිය වෙරයේ ගෙනදෙන ඵලය, ලෝ දම දෙන අවසරයේ   දැක කය ගසක් ලෙස ගලපා උපමාව සිත එලෙසටම බිහි වෙන බව නොපමාව දැන ශක්‍තියේ ආකර්ෂණ හැකියාව දැක ගමු සිතක්  පෙන්වන බොරු මායාව දකිමින් සසර මායාවක් ලෙස නිසරූ යොදමින් දහම්  දුරු කරමින් ඝන අඳුරූ වඩමින් නුවණ කරමින් උතුමන් ඇසුරූ මරසෙන් දිනා මොක් පුර එලඹෙමු සොඳුරූ 

  දුක් කඳ සමග සසරේ තව දුක් විඳින පින් මඳ නිසා මිස වෙන කරුණද කුමන දම් නඳ නඟා අප සිත් සුවපත් කරන වොස්සග ධම්ම හිමි දෙසුවා අම නිවන දිය යට ඇති කොටස පාවෙන හිම කඳක ලොකුවට ඇතත් නොපෙනේ එය කිසි කලක සතහට පෙනෙන සහ නොපෙනෙන දුක අධික මතුපිට - ජලය යට , ඇති හිම මෙනි නොයෙක ඇලෙන ගැටෙන හැම දේවල් දැනෙන දුක  හැලෙන ගහේ කොළ මෙන් යලි නැගෙයි නෙක හැඳින සැබැ දුක නුවණැස තුලින්  දැක නිවන ලබමු සැනසෙන මඟ එයයි එක නැත ලොව සැබෑ, හොල්මන් වැනි දෑ කිසිම නෙත ගැටුනොතින් බිය වෙයි සලිතව ගතම සිත මිස "මමෙක්" මෙහි නැති බව දැන දැනම සත එලෙසටම බිය නොවෙනා හැටි පුදුම එන උපදෙසක්  මතුවීමෙන් බලය පිනේ දැන "මට" කියා සිතුනත් "මම" එයින් තැනේ ගෙන එය නිවන බව දැක හැකි සියලු තැනේ නැණ ගුණ වඩා ගත්තොත් අම සුවය දැනේ නොයෙක් ගැහැට එයි සතුනට ලොව ඉන්නා දුකක් ලෙසින් හැම දෙන එය හඳුනන්නා එකක් නොවෙයි මෙය හැඟුමක් බව දන්නා කෙනෙක් උතුම් අම නිවනින් සැන සෙන්නා

  ඔබට මිනිස්සු අපහාස කරනවාද ? උගත් , උසස් රැකියා කල නමුත් රැඳී කිසිත් පලක් නැත මළ පසු නොයයි ඇදී දුකත් , නිවෙන මඟ අපටත් කියා දිදී වියත් මහරගම හිමි ගේ දහම්  පොදී වැලි බත් උයා කල ඒ  සෙළුලමා වැඩ මඳකුත් කලේ නැත අපගේ දිවිය හැඩ සිහිපත් කලොත් තෙරුවන හැම ලැබෙන ඉඩ සුවපත් කරයි සිත කෙලෙසුන් කෙරෙන් මැඬ වටින දෙයක් ලංකර ගෙන සිතේ දරා ලැබුණ අගය "මට" පවරා තබන තුරා බහින කලට  වටිනාකම අගය මරා සැණින මහත්  පීඩා දෙයි සිතක් පුරා සොඳුරු බිරිය , සැමියා ඔබ කරන අගේ මිතුරු පිරිස් ඉන්නා  එක පවුල වගේ මහරු අගය වඩවන්නේ දැනෙන "මගේ" ඇසුරු කරන දේ  බව අපි දකිමු සගේ දොසක් ඔබේ කීවොත් මහ පිරිස් මැද දුකක් දැනෙයි වටිනාකම  බිමට ඇද පසක් කලොත් "දුන් අගයේ" පිරිය සිඳ එතෙක් දැනුනු දුක නැතිවෙයි ගොසින් බිඳ ලොවේ තිබෙන දේ දැක්කොත් ලෙසින් නිසී අගය ඉහල ඔසවන්නට වේය රිසී අනිස ලෙසින් දැක ලෝ දම් තිබුණු වැසී නිවෙන මඟට එමු අපි සැම සිනා සිසී

04-01-2025: සාවකෝ : ජීවිත තණ්හාවෙන් නිදහස් වෙන්න කලොත්  පිනක් එහි ප්‍රතිඵල තමන් වෙත සැපැත්  වේය ඒ ගැන කිසි සැකක් නැත තවත්  පිනෙන් ඵල ගන්නට මහග්-ගත දෙසත් දහම්දිව් තෙරිඳුන් අපට     හිත අසන  කලට දම් දෙසුමක් සවන්        යොමා දැනෙන හැඟුම හැදෙනා "සිත" තුලයි තමා බලන කලට සිත සෑදෙන කරුණු      කිමා? පමණ නොමැත ගැණ අවසන් නොවේ නිමා පස් කඳ හේතු ගණනක එකතුවෙන් නැගේ දිස් වෙන  හිතෙන දේ  නැත එය මමය-මගේ රැස්කර නොගෙන විසිරුවම්න් නොකර අගේ තොස් කර "අනිස" දැක යමු අපි නිවන්  මඟේ ඇනුම් බැනුම් එයි පලදී පව්         පරණ සුසුම් හෙලා දුක් වීමෙන් පල       කුමන නොනිම් හේතු ගණනක ඵලයක් ලෙසින දහම් තුලින් දැක, ලැබගමු අම     නිවන අරමුණු ගෙනෙන දේ ගත්තොත් එකක් ලෙස වැරදුණු තැන එයයි "සැප-දුක" දැනෙයි    යස විසිරණු , බලා සසඳන්නට නොහැකි      ලෙස තිලකුණු වැඩෙයි ,  ලං කරමින් නිවන්    රස දුටුවොත් කෙනක් තුල ඇති වරදක් නොනිසී ගුණවත් සඟුන් වෙත දෙන දන් මෙන්...