ඇම

 යොතක් සහ පිත්තක්

එහි ගැටගැසුව කොක්කක්

අමුණා ගෙන ඇමක්

මාලු අල්ලයි කෙනෙක් දවසක්

කොක්කේ තියුණු උල

නොපෙනෙයි ඇමෙන් වටකල

රසයෙන් වසගකල

මසෙකු ඇදුනා වෙතට මර'ගුල

ඇම ගිල්ල සැනෙණි

ඒ උල කටේ ඇණුනි

තදින් එහි බැදුණී

මරණ සම වූ දුකට වැටුණී

නිසයි අණුවන කම

මාලුව ගිල්ලෙ ඒ ඇම

කිව්වත්  අය එහෙම

ඊට ඉහලයි අපේ "ගොන්කම"

විදින සැප පස් කම්

සුවදෙයි , හැගෙයි මනරම්

සැපෙහි දුක කොතරම්

වේද දැක ගමු තුලින් සදහම්

රූපය , රසය , ශබ්දය 

ස්පර්ශය , කැමති ගන්ධය

"ඇම" පහක් ලෙස බය

දුටුව දවසට ඔබට වෙයි ජය!

දැක ලොවෙහි ඇති දොස්

නිවනේ තියෙන අනුසස්

නැසුමට සැම කෙලෙස්

දකිමු නුවණින් චතුර් අරිසස්