Niwenadhahama

 24-05-2025: සාවකෝ : ජීවිතයට වෙනසක් හොයන්නේ ඇයි නෙක ලෙස හේතු ගැලපීමෙන් හැදුනාම දැක එය "එකක්" ලෙස ගත්තොත් වැරදීම දුක දුරු වෙන්න සඳහම් සරණට යෑම සක කරකවයි,  සමිඳුන් මෙත්තාරාම පෙනේ ඇසට වැටුනොත් එළි ඇති කිරණ මනේ මැවෙන දේ මිස අයුරුද කුමන නැණේ වඩා බැලුවොත් විමසා පමණ දැනේ සිතට,  බුදු දහමයි එක සරණ පෙර දුටු දෙයක් මනසින් සිහි කරන සඳ සිත තුටු වේය "ඇති දෙය" ලෙස හැඟී තද මිසදිටු අවිඳු අඳුරේ ඇස් තදින් බැඳ විසකටු සදිසි සසරේ අප විඳින වද දැන, දැකගන්න හැකි දේ විතරකි පාට වෙන අදහස් හිතේ හැඟුමක් මය කූට බණ අසමින් හොඳින් අරමුණු  කලදාට පින තිබුණොතින් නිවනත් දුර වෙද? කාට ලෙසට නොයෙක් දේ ඇති එක රූ තිරය ඇසට එකම දේවල් මය    ගෝචරය කුමට ? වෙනස් දේවල්  බැලුමට පොරය අපට වැටහුණොත් එතනයි සුර පුරය ගියත් නුවර , හිටියත්  මහ ඉංගිරියේ කිසිත් වෙනස් නැත "වෙන් නොකලොත්" සරියේ බණත් , සිංදුවත්  වෙනසක් නැත පිරියේ සමත් වෙන්න දැක, අදිටන ගමු තරයේ

 ඔබ රසයට ඇලිල ද? සිතේ සතුට විමසන, දුටු සියළු තැන නැතේ පිටත කිසි රසයක් හඟින මන මතේ දෙන්න, සම්දිටු ගුණ පිහිටු වන මෙතේ අරමෙ ගරු හිමියන් දෙසූ බණ පාටත්, සුවඳ , මුදු ගති ඇති රෝස මල කාටත් "එකක්" ලෙස හඟවන අවිදු බල දේටත් ලොවේ හැම, විදු-මන පමණි කල ඊටත් හේතු එකතුව ලෙස පෙනෙයි ඵල රසේ දැනෙන විට එක්වී නොයෙක් ලෙස තොසේ නැගෙයි "වෙන්වීමෙන්" දැනෙන රස ලෙසේ දැනෙන රස හැඟෙනා හැඟුම් මිස කෙසේ බලමු ? පිටතින් ඇති දෙයක් ලෙස අඳින ඇඳුම් නෙක පාටින් සහ හැඩතී හැඳින එකම දේ සැකසුම වෙනස් වෙතී සොයන නමුත් සිත දේවල් වෙන වෙනැතී පෙනෙන වෙනස් දේ කිසිවක් ලොවේ නැතී ඇට මස   නහර හැම එක්වී හැදුන කය එක ලෙස වෙනම ගෙන නම්කර ලෙසින් අය අදහස අවිඳු දුරු කරමින් ලබා ජය නිදහස ලබා නවතමු මේ සසර  බය නැත මම කියා කිසි දේවල් වෙන වෙනම හිත ගොඩ නැඟෙයි  පැමිණෙන අරමුණ මතම නිතරම මනා සිහියෙන් වඩමින් දහම කතරින් මිදී ලැබගමු අපගේ දිනුම

 10-05-2025: සාවකෝ : අවිවේකයෙන් අතමිදෙන විදිහ ලොවම එළිය කල  මුණිඳුන් පිරිණීම එකම මඟුල් උළෙලක් වුයේ  කෝම විසම අවිඳු කළ බැවිනිය,   දුර ලීම දහම දෙසී වොස්සග හිමි එක සේම මොන දේ කලත් "හැඳිනීමයි" සිතක හැටී යන දම් මඟේ පිළිපැද මුණි දෙසුව සැටී සැනසුම , විවේකය සිත තුල නැඟී සිටී දෙන ඒ සුවය රජ සැපටත් වඩා  වටී දුක-සැප කයට දැනෙනා යුගලකිය ගුණ නෙක මැදහත් හැඟුම් සිත තුළ නැඟෙනු දැන දැක තතු හරි ලෙසින් සීලය වඩා ගෙන හැක භව සයුර  තරණය සැම සුවය දෙන පස ඉඳුරන් ගෙනෙන අරමුණු හැඳිනීම මිස මෙහි "දෙයක්"  නැත එක ලෙස පැවතීම ලෙස තිලකුණු තුලින් ඒ දෙස බැලුවාම ඇස පෑදෙයි , එයයි කෙලෙසුන් දුරුවීම රුව, රස, පහස ආදිය වෙන වෙනම දැනී ලොව ගොඩ නැඟෙයි සිත තුල එය එකට ඇනී පවතින "දේ"  නොමැත හිඳුවන දැවෙන ගිණී නුවණින් , දහම වඩවා    දැක ගනිමු මුණී නොලැබුණු කලට රුචි දෙය සිත දුකින් පෙලා වැටහුණු අයුරු වැරදියි - හැඟුමකිය මුලා ඇතිවුණු "ජාති"  ගති, දුක-සැප වෙනස් කලා තිලකුණු වඩා සැනසෙමු හැම කෙළෙස් හලා

  26-04-2025: සාවකෝ :බුදුදහම ඕනේ පීඩාවෙන් නිදහස් වෙන්නද ? රකින්නට සිතක් ඉඩ ඇති සියළු තැන දමන්නට හැකිද? එහි මුඛ වැසුම් ගෙන ලබන්නට සතුට,  මතුකර මහත් පින දොඩන්ගොඩ සමිඳු දෙසුවා අපට බණ සැවොම කැමති දිවියක් කිසි ගැටළු නැතී දහම අසති,  දුක දුරලනු පිණිස නිතී නියම දුකේ නැති බව සිත පෙළන ගතී දැනුම ලැබූ අය නිවනෙන් නිවී යතී ඇනී සිතේ පීඩා, දුක සිතුණු "මම" ගනී මහත් වෙර දු‍රලනු පිණිස එම දැනී බෙහෙත් කළයුතු තැන් යොදා දම දිනී ලොවම "ජාතිය"  වෙයි එයින් නිම පුහුණු කලොත් ඇවිදීමත් , කරන කථා කරුණු වේය නැතුවත් වෙසෙසකින් සිතා ගිලුණු අවිදු මඩ තුල මහ කලක් ඉතා දැනුණු සියළු දේ ගෙන මෙහි වැඩෙයි සතා නෙක දේ ලොව පෙනෙයි ශක්තිය තිබෙන තුරූ "එක" දේ නොවෙයි , විසිරෙන ගති වලින් පිරූ දැක "දුක් ලකුණ"  හැර දුර්මත මෙතෙක් දැරූ දුක දුරු කරන මඟ , අමසුව ගෙනෙයි සරූ මුල, මැද, අග සමග කාලය එකට අනා බලනා කෙනෙක් වෙද කිසිවිට ලොවක් දිනා තෙල "මම"  කියා දුටුවේ හැඟුමක්ම විනා ඵල ඇති දේ නොමැත! නුවණින් දකිමු මනා